السلام عليكم
كتير من الشيخ بيقولوا ان الأنسان ممكن بكتفي بعدد ساعات نوم قليلة ٣ او ٤ ساعات يومية و ان كتير من العلماء و الشيخ في الماضي مكنوش بيناموا الا فترات قصيرة جدا.. لكن على العكس فيه أطباء و علماء كتير بيقولوا لازم الأنسان يأخد كفايته من النوم على متوسط ٨ ساعات بالليل و إن اي تقصير في عدد ساعات النوم ليها آثار سيئة على الأنسان..فاية الصح في الموضوع دا؟
وعليكم السلام ورحمة الله وبركاته
مفيش كتير ولا حاجة، يمكن قليل من الدعاة اللي بيتكلموا بدون علم
واللي يقول كده غلطان، سواء من جهة السنة، أو النقل عن السلف، أو الطب. والنبي ﷺ قال عن عن داود عليه السلام أنه كان ينام نصف الليل، ويقوم ثلثه، وينام سدسه. يعني لو حسبتها على متوسط الليل ١٢ ساعة حتلاقيها ٨ ساعات. وماتاخدش الرقم ده على إنه دقيق لأن طول الليل يختلف لكن المهم إنك تكون فاهم إن النوم مهم. مفيش رقم ثابت لا من جهة السنة ولا من جهة الطب لأن المتغيرات اللي بتحكم احتياج المرء للنوم كثيرة
والله أعلم
____
لو كنت قد أجبت سؤالك بالشكل الكافي يرجى الضغط على زر (✔️ محلولة) في يمين الجواب، أو الضغط على (💬 أضف تعليقاً) تحت هذا الجواب للاستفسار أو التوضيح