اتعرضت لموقف بايخ مع سواق النهارده ورفع صوته عليا فقلتله متعليش صوتك عليا واحترم نفسك فبدأ يشتم ويلعن والدي صراحة خفت منه حسيته تكة وهيضربني فقلتله أنت راجل مهزأ ومشيت. وأنا ماشية لقيت دموعي يتنزل لوحدها فبعدت شويه عن الناس واتصلت بأخويا وانفجرت بالعياط بصوت عالي ١٠ دقايق كاملة وكان عندي معاد مع دكتورة ومتأخرة وبالرغم من كده مش عارفة أتحكم في نفسي.. وقبلها قريب حد نصحني وقالي احترمي اللي أكبر منك فأنا اتضايقت لأني مقللتش احترام حد وهو فهم الموقف غلط أصلا وكنت مع الطلبة بتوعي وقتها لقيتني هعيط دخلت الحمام عيطت ورجعتلهم تاني.. المفروض وأنا عندي ٢٤ سنة إني نضجت شويه بس أنا هشة أوي فعلا وكأني زجاج ومن لمسة هنكسر طبعا عايزة أغير ده فيا قولي أعمل كده ازاي؟
أنا بعيط في أوقات كتير لو أخويا اتضايق مني مثلا، بابا رفض طلبي لحاجة معينة، ماما قالتلي كلمة مش لطيفة أكون بقرأ رواية أشوف موقف مفرح لحد وهكذا بس ده كله كنت بعيط في بيتي محدش شايفني أما عياطي وسط الناس ده مستوى محتاج مني وقفة فعلا
ماتغيريش حاجة، تصرفك صح ورد فعلك طبيعي. الواحد لما بيتعرض لموقف شديد لأول مرة بيكون صعب عليه، بعد كده تلقائياً من غير ما يغير حاجة بيبني طريقة تعامله مع المواقف المماثلة. الخلاصة، إنتي طبيعية واللي حصل منك مش غلط
والله أعلم
____
لو كنت قد أجبت سؤالك بالشكل الكافي يرجى الضغط على زر (✔️ محلولة) في يمين الجواب، أو الضغط على (💬 أضف تعليقاً) تحت هذا الجواب للاستفسار أو التوضيح