السلام عليكم يا كوتش، أنا لما بكون خارجة وبابا يسألنى راحة فين بكون من جوايا مضايقة الل هو كل شوية يسألنى ما هكون راحة فين يعنى، انا ايوة بجاوب بس بكون من جوايا مضايقة ، انا عارفة انه غلط وانه لازم يسألنى فمش عارفة ليه الشعور دا، وحاسة كده مينفعش اتجوز ، لان الموضوع هيبقى اكبر من كدا، ومش عارفة احل دا ازاى
وعليكم السلام ورحمة الله وبركاته
كويس إنك سألتي السؤال ده
احل دا ازاى
أحب أنا السؤال عن "الحل" مش عن "السبب"
انتي بتقولي إنك عارفة إنه غلط وإنه لازم يسأل، دي أهم نقطة في صالحك وركزي في الآتي: الضيق اللي بيطلع لنا من أي حاجة بييجي من المعاني اللي بنديها للحاجة دي. فلو إنتي مدية سؤالهم معنى إنهم بيقيدوكي أو بيحرموكي أو بيتسلطوا عليكي (وده للأسف شائع نتيجة للمفاهيم الغلط في السوشال ميديا) يبقى طبيعي إنك حتضايقي. لكن لما تدي سؤالهم معنى إنهم بيمارسوا دورهم في الاطمئنان عليكي، وإن في النهاية ربنا -سبحانه وتعالى- ادى للأبوين (ومن بعدهم الزوج) مسؤولية تجاه البنت وإنهم بيقوموا بمسؤوليتهم اللي ربنا حيحاسبهم عليها، يبقى هنا مشاعرك حتختلف. فالمطلوب منك إنك تشيلي من دماغك أي معنى سلبي لسؤالهم، وتركزي في إنهم بيعملوا الصح وبيمارسوا مسؤوليتهم تجاهك
والله أعلم
____
لو كنت قد أجبت سؤالك بالشكل الكافي يرجى الضغط على زر (✔️ محلولة) في يمين الجواب، أو الضغط على (💬 أضف تعليقاً) تحت هذا الجواب للاستفسار أو التوضيح
reem بداية الموضوع 02/10/2023 9:15 ص
جزاك الله خيرا يا شيخ، هو اللى بيكون ف دماغى وقتها انه عارف انا راحة فين فليه يسأل؟ يا إما راحة لأمى المحل أو راحة درس القران مش بروح غير كدا، هبقول طالما عارف الاجابة بيسالنى ليه، وكمان لما بروح لامى يومين ورا بعض يقولى هو كل يوم؟ بس لما بروح القران مبيقولش حاجة.
فى عندى سؤال تانى ملوش علاقة بالسؤال دا ممكن اساله هنا ولا ابعت سؤال منفصل؟
آمين وإياكم
زي ما قلت لك، راجعي الجواب تاني. وخليكي فاكرة إن اللي في دماغك ده في دماغك انتي، هما مش بيقرأوا أفكارك
ولو فيه سؤال تاني حطيه في موضوع منفصل